ही सुंदर वसुंधरा!

THE CAST
(In Order Of Appearance)

THE WORLD (वसुंधरा)
POLITICIAN
BUSINESSMAN
DOCTOR
TEACHER
ARTIST
ENGINEER
PRIEST
MOTHER
CHILD
OLD MAN
OLD WOMAN
NARRATOR

( WHEN THE CURTAIN OPENS, THE STAGE IS STILL DARK. SOULFUL MUSIC IS HEARD IN THE BACKGROUND. AS THE STAGE BEGINS TO LIGHT UP, WE HEAR THE LOW WAILS OF A WOMAN. AS THE STAGE GETS A LITTLE BRIGHTER, WE SEE A WOMAN (वसुंधरा), IN THE CENTRE OF THE STAGE, LYING ON THE FLOOR. HER CLOTHES ARE IN NEAR TATTERS. )

THE WORLD (ALMOST IN WHISPERS): वांचयाति... कॉणयितरी वांचयाति... (SLOWLY, THE VOICE RISES TO A CRESCENDO) माक्का वांचयाति... माक्का वांचयतलॉ कोणियी ना वॅ?

( SLOWLY, HER VOICE BEGINS TO ECHO ALL OVER THE AUDITORIUM AND THEN SLOWLY FADES OUT. THEN WE BEGIN TO HEAR SOFT WHISPERS FROM BOTH THE SIDES OF THE STAGE, AND DIFFERENT PEOPLE START WALKING ONTO THE STAGE FROM ALL OVER. )

POLITICIAN (VISIBLY DISTURBED) : आत्तं कॉण हॅं? हांव International Press कॉन्फ़रेंसांतु बिज़ी आशिलॉं. फ़ाई सकाळीं माक्का अमेरिका वच्चॆ आस्सं. हॅं कॉण किळच्या मारत आस्सं?
BUSINESSMAN (RUDELY) : रोडूक आणि खंच्चोयि वेळू मेळनी वॅ? मगले बो‍र्ड मीटींग अर्ध सोण्णू एंवका लागले माक्का. हज़्ज़ारों डॉलर्सचॅं नुकसान जातल्लॅं आत्तं.
DOCTOR : मगल्या पेशंटाक ऑपरेशन टेबलारी सोण्णू माक्का हांगा येंवका लागलॅं. आत्तां त्या पेशंटाने जीव सोळ्यारी मीडियावालॅ गॉव्जी घालतलॅ, डॉक्टर बेज़बाबदार ज़ाल्याति म्होणू. आणि त्या पेशंटालॅ लॅकतलॅ डॉक्टराक मारूक धांवनू यॅतलॅ.
TEACHER : बोर्डाच्यो परिक्षा लाग्गी आयल्याती. स्कूलांतू शिकोंच्याक वेळू ना म्हणू हांव घरांतूची ट्युशन्स घेंवंच्यांतू बिज़ी आस्स. इतल्या गडबडींतू कोणयी concentrate म्होणू कशीं कोर्चॅ? आत्तं आवस-बाप्पूस येवनूं गडबड करतलीं.
ARTIST : उफ़्फ़! आम्मी कलाकार लोकांनी काम तरी कश्शी कोरचॅ? जागतिक कला प्रदर्शनाखातीर पेटॉंचॅ मगलॅ पेंटींग अर्धे वरल्यां. What a nuisance! इण्डियाचॅं नांव हॉड कोरका म्होणू हांव इत्लॉ त्रास घॅत्तं आस्सं.
ENGINEER : इतल्या गडबडींतू हांवॅ प्रोजेक्ट‍स्‌ कम्प्लीट तरी कश्शीं कोरची सांगाति. माग्गिरी हांगा ब्रिज कॉलॅप्स जाल्लॉ, थंई घरं पळ्ळीं म्होणू आम्का इंजीनियर्सांक दोष दिंवच्याक सगळॅ जण मुखारसुयताति.
PRIEST : Child, is someone in trouble?
MOTHER : कोणतरी बायलमनिशीलॉ आवाज़सॉ दिसता. भोची वांटांतु आस्स बहुतेक. कॉण आसतलॅं वया?
CHILD : आम्मा, थंयी पळॅ. कॉणतरी पळेलेवारी दिसता. तिक्का मदती कोर्या वॅं?

( SLOWLY, THE STAGE IS FULLY LIT. EVERYONE SEES THE WOMAN, VASUNDHARA, LYING ON THE STAGE AND WALKS TOWARDS HER. )

MOTHER (TRYING TO SUPPORT HER) : कोण तूं?
BUSINESSMAN : तुगलॅं तॉंड गुर्ताचे शें दिसता. माक्का सांग, मगले ऑफ़िसांतू तूं कॅदनाय डोनेशन मागूक आइलेली वॅ?
POLITICIAN : बहुतेक तूं मगल्या विभागांतली वोटर असतली. व्हई नव्हॅ? आत्तं जालेल्या इलेक्शनांतु तुवॅं कॉणाक वोट कॅल्लेलें तॅं कळ्यारी तुक्का मदत करूक साध्य जातलॅं.
ARTIST : मगल्या नवीन पेंटींगाखतीर तूं मॉडेल म्हणूं पर्फ़ेक्ट आस्सं.मगल्या नवीन पेंटींगाचॅं नांव सुद्धा सुचल्यां माक्का. "अश्रू". कश्शी दिस्लॅं? गॉम्टें आसं नवॅ?
TEACHER : माक्का सांग, तुगलॉ प्रॉब्लेम कसलॉ आस्सं? पयल्लॅं नोटिस न दित्तां स्कूलांतु फ़ीस वाढयलीं म्हणूं रडतं आस्सं वॅ तू? हांव मदत करतां तुक्का. ऑल इंडिया टीचर्स असोशियेशन चॉ हांव प्रेसीडेण्ट आस्स.
ENGINEER : तुगल्या बामणालॉ जॉब गॅल्ला वॅ? हॅं पळॅ, मगल्या कंस्ट्रक्शन साइटारी हांव तुक्का लेबरर म्होणू नोकरी दिवूं शकता. (SMILING WEAKLY) जाल्यारी ह्या पिंदिल्या कपड्यांतू .... तुक्का नवीन कपडॅ विक्कत घेंवका जातलॅ.
PRIEST : चार्डा, तुगले मनारी कल्लें वज़्ज़े आस्स वॅं? तुक्का कन्फ़ेशन करचें आस्स वॅ?
CHILD : तुम्मीं सगळ्यांनी वोट्टूची प्रश्न विचारल्यारी ती बिचारी नर्व्हस जातली. प्रश्न माग्गिरी विचारेद. पयलॅं आमीं तिक्का मदत कोरका. Urgently.
ENGINEER : हॉ चल्लॉ बद्दची उल्लयता. हांगा कोणि टेलर आस्स वॅ? तिन्नॅ नवीन कपडॅ शिवॉनु घॅतल्यारी हांव तिक्का कामारी दवॊर्नू घॅत्तां.
ARTIST : कांइ गरज़ ना. ती आस्सं तश्शी हांव तिक्का स्वीकार करूक तयार आस्सं. मगल्या नवीन पेंटींगाक exactly अश्शी लुक जांवंका.
CHILD : तुम्मीं सगळीं वॉपस सुरु ज़ाल्लीं. प्लीज़ तिक्का उल्लोंच्याक दियाती.
MOTHER (HELPING HER TO SIT ERECT): भीव नाक्का. तूं कॉण तॅं सांग.
THE WORLD (SOFTLY) : बहुतेक मगलॉ गुर्तु तुम्का कॉणाकयी कळनी. आणि हांतू तुमगेलो कॉणालोई चूक ना म्हणा. हांव बदलल्या... म्हस्त बदलल्या.... हांव अश्शी दिस्स नाशीलीं.
POLITICIAN (SLIGHTLY IRRITATED) : हॅं पळॅ, तूं कोणी म्हणू माक्का गोतना. तूं एक टेररिस्ट सुध्दांय अस्सू शकतां. आम्गेलो टाइम वेस्ट कोर्नाका. आपणालॉ गुर्तु दी. की पोलिसांक आपोंका?
THE WORLD : हांव वसुंधरा... धरती... पूर्ण विश्व... तुमगेली सुंदर वसुंधरा... कळ्ळॉ वॅ गुर्तू?
TEACHER : हं... तुक्का भुगोलाच्या नकाशांतू पळयलेले वारी दिसत्ता. जाल्यारी तुवॅं स्वताक कस्लें कोर्नू घॅतल्यां? अश्शी कसले मिती दिसता तूं?
THE WORLD : तुगेले मिती...
TEACHER : मगेले मिती? कसली झांकि उलयता तूं?
THE WORLD (POINTING TO ALL ONE BY ONE) : तुगेले मिती ... तुगेले मिती... तुमगेले सगळ्यांमिती.
BUSINESSMAN (TO THE POLITICIAN) : तुंवेंची लिगाड कॅली तिक्का. इलेक्शन जांवचे पयलीं तिगलॉ फ़ायदा घेतलो ... आणि आत्तं elections जाल्लेले उपरांतॅ तिक्का बगलेक घाल्लॅं. Total neglect.
POLITICIAN (ANGRILY) : हा! तूं दुड्डु कोर्चयांतू बिझी आशिलॉ.... वाइट मार्गानेचि म्हणा. अश्शी असतंना माक्का दोष दिंवचे धैर्य कश्शी जात्ता तुक्का?
ENGINEER (TO THE ARTIST) : तूं ... तूं ज़बाबदार आस्सं हिगेले या रूपाक. एक भुर्शें दिसतलॅ मॉडेल जायी म्होणू तुंवेची हिगली अश्शी अवस्था केल्या. हांवॅ निर्माण कर्चे वेळारी कितली गोरी-गोमटी दिसताली ही वसुंधरा. कश्शी अवस्था कॅल्या पळॅ तुवॅं!
ARTIST : उल्टा चोर कोतवाल को डांटे! कंस्ट्रक्शन करतना सीमेंटांतू रॅंव मिक्स कॅल्यारी अश्शीच अवस्था जातली सगळ्या बिल्डिंगांची. ब्रिज आणि बिल्डिंग्स पण्णी जाल्यारी आणि कस्लें जात्तलें?
PRIEST : सगळ्या जगांतु पाप आणि भ्रष्टाचार भरला. लोकांनी देवु आणि धर्मु विसरल्यारी आणि दुसरे कस्लें जातलें?
MOTHER (ANGRILY) : पुरॉ ...पुरॉ जाल्लें पिश्शेपण. एक बायलमनिशेकची दुसरॆ बायल-मनिशेलॅं दु:ख कळू शकतलॅं. तिक्का आत्तं उत्तरांची न्हंयी, मदतीची गरज आस्स.
DOCTOR : हांव विख्यात डॉक्टर, डॉक्टर सदारोगी. हांव तिगलॉ चेक-अप करतां. माक्का सांग, तुक्का खंयी दुखता. हं... जीभ दाखयी... डॉळे पळोंया.

( EVERYONE STARTS SHOUTING AND BLAMING ONE ANOTHER. )


CHILD : सान्नं च्रर्ड्वांवारी गोव्जी-गोव्जी कोर ‍नाक्काति. पयलॅं किळच्यॉ मारचें बंद कराति. हिक्का मदत कश्शी कोरू जातली तॅं पळोंया.
MOTHER : कश्शी म्हालगड्यांवारी बुद्वंत उलयलॉ हॉ! हिगल्या आत्तंच्या स्थितीक कॉण ज़बाबदार तॅं मागिर पळवेद... पय्यलॅं हिक्का मदत कॉर्यां.
TEACHER : धा पैकी धा मार्क तुक्का. क्लासांतु टीचर येंवचे पयलॅं चर्डवं किळच्यो मारताती तश्शी behave कोर नाकाती.
POLITICIAN (SMILING) : एक्का खर्या टीचरावारी उलयलॉ पळे. माक्का दिसना की हॉ आजिथाई क्लासांतु कॅनाई टाइमारी पावला म्होणू.
ENGINEER : धुळींत मेळेल्यो buildings रीपेअर कश्शी कोरचॅं तॅं माक्का गोत्तु आस. पयलें बगले सरा. हांव तिक्का वॉपस तिगेल्य़ा पाय्यारी उब्रकारयतां.

( THE ENGINEER TRIES TO LIFT THE WORLD, BUT FAILS. THE BUSINESSMAN PULLS HIM BACK. )

BUSINESSMAN : मिस्टर, तुक्का तॅं साध्य जांवचे ना. तिक्का पैशांची गरज़ आस्स. हांव माक्का जालेल्या प्रॉफ़िट्साचॅ एक पर्सेण्ट हिक्का मदत म्होणू दित्ता.
POLITICIAN : हांव सगळॅकडॅ भाषणं दीवनू जानांक पैशे दिया म्होणू सांगता.
PRIEST : पक्को चोरु. आपणाल्या खिशांतानू मात्र पैशे दीवनाक्का. वसुंधरे, आपणाली मदत तुव्वॅं आपणची कोरका. उब्रोंचाक प्रयत्न करी.

( THE WORLD TRIES RISING, BUT COLLAPSES AGAIN. )

DOCTOR : ही serious केस आस्स. हिक्का आत्तंचे आत्तं आइसीयूंतु शिफ़्ट कोरका जातलॅं.
ARTIST : औंसर कोरनाकाति. तिन्ने मोर्चे पयलॅं या अवस्थेंतु माक्का एक पेण्टिंग कोरू दिय्याति. मगले पेण्टिंग विक्कूनु हांव तिक्का मदत कोरूक तयार आस्सं.
BUSINESSMAN (TO THE MOTHER) : तूंची तिक्का मदत कस्ल्या करना? तावळ्ळी तूंची म्हणताली न्हवॅ की एक बायल्मनीशीची दुसरे बायल्मनीशेक मदत कोरूक शकता.
MOTHER : माक्का स्वत:ची मदतीची गरज़ आस्स... हांव तिक्का कस्ली मदत कोरूं?
CHILD : आमगेल्या वसुंधरेक मदत करच्ची माक्का भो इच्छा आस्स.... बद्दची. जाल्लारी जॅं तुम्का हॉड्ड लोकांक साध्य ना तॅं हांव सान चल्लॉ कस्लें करतलॉं?

( THE CHILD STARTS CRYING. ALL THE PEOPLE SIT AROUND, MOROSELY, LOOKING AT ONE ANOTHER. SLOWLY, THE WORLD HIDES HER FACE AND STARTS SOBBING, FIRST SOFTLY, AND THEN LOUDLY. JUST THEN, AN OLD MAN AND AN OLD WOMAN ENTER. THE CHILD RUNS AND EMBRACES THEM. )

OLD MAN : कस्ल्याक रडता तूं? कस्लें जाल्लॅं सांग.
OLD WOMAN : सान्न चर्ड्वांनी इत्लें रोडूक नज़्ज़. कॉणे रडयलें तुक्का?
CHILD : आज्जे... आज्जा... आणि कस्लें कोरूं? या आमगेल्या सुंदर वसुंधरेली अवस्था पळयाती. ती सांगताली की ती पयली गोरी-गोमटी आशिल्ली म्हणू. तिक्का पळोवनू माक्का रोडूक यात्ता.
OLD WOMAN : तश्शी असल्यारी हीं जानं अश्शी थंड कसल्याक बसल्याती? तुम्मी कसल्याक कल्लॅंय करनाती?
OLD MAN : आम्मी म्हालगड्यांनी तुमका एक सुंदर विश्व दिल्लेलें. आणि तुम्मी ताज्जी कस्ली अवस्था कॅल्या!
POLITICIAN : जाल्यारी आम्मी सगळ्यांनी तिक्का मदत कोरुक प्रयत्न कॅल्लॅ.
ALL : व्हयि... आम्मी खरेंची प्रयत्न कॅल्लॅं.
CHILD : व्हयि आज्जा, सगळे जणांनी विंगविंगड नमुन्याने प्रयत्न कॅल्लॅ.
MOTHER : पण कांयि फ़ायदा जाइनी.
OLD MAN : आत्तं कळ्ळॅं बद्द problem कस्लॉ तॉ. विंगड-विंगड प्रयत्न कोर्चे बदला, सगळे जण वोट्टू येवून प्रयत्न कराति.
CHILD : ही आयडिया बरी आस्स.
OLD MAN : आणि माक्का खात्रि आस्स की आम्का यश मेळतल्लॅं.
DOCTOR : हांव वसुंधरेक प्रीतीने treat करतां.
BUSINESSMAN : हांव गरीब लोकांक घरं मेळका म्होणू आर्थिक सहाय्य करीन.
ENGINEER : हांव सगळ्या जानांक साध्य जाइशी घरं बांधीन.
POLITICIAN : हांव वसुंधरेक मगले वोट दीन. (ALL PEOPLE RAISE THEIR FISTS AT HIM.) चुकलॉं. हांव सेंट्रल गव्हर्नमेण्टाल्यातून जाइ तित्लॉ पैसॉ सॅंक्शन कोर्नू घॅन.
PAINTER : हांव वसुंधरेक सुंदर रंग दीवनू तिगलें गॉम्टेंची पेंटिंग करीन.
TEACHER : हांव सगळ्या चर्ड्वांक सांगीन की आम्मी या विश्वाक गॉम्टें दवोर्नू आमगेल्या पर्यावरणचॅं रक्षण कोरका.
PRIEST : हांव दॅवालागी प्रार्थना करीन की तॉ सगळ्या लोकांक बरी बुद्धी दिवॉ.
MOTHER : हांव वसुंधरेक मगली प्रीति दीन.
CHILD (INNOCENTLY) : हांव सान चर्डु वसुंधरेक कस्लें दितलॉं? (THINKING FOR SOME TIME) हांवे सगळे जानांक मगली निरागसता, म्हळ्यारी मगलॅं innocence दिल्यारी ज़ायद वॅ?
OLD MAN : नक्की ज़ायद. वसुंधरेक हाज्जेपशी हॉड gift कसलॅं मेळद?
ALL (TOGETHER) : व्हई.
CHILD : चला तरी. नुस्तॅ उल्लोंचे बदली काम कोर्यां.

(EVERYONE SURROUNDS THE WORLD AND STARTS WORKING IN HIS/HER OWN WAY. AFTER SOME TIME, ALL MOVE AWAY AND START LOOKING AT WHAT EMERGES FROM THE CENTRE. THERE IS A SHINING BRIGHT AND BEAUTIFUL "VASUDNHARA" STANDING THERE, LOOKING GLORIOUS. )

WORLD : तुम्गेले सगळ्यांगेले भारी उपकार जाल्ले मज्जेरी. मात्र आत्तं एक काम बाकी आस्स.
ALL : तॅं कस्लॅं?
WORLD : माक्का वॉपस मगल्या पयले जागेरी बसोंवची ज़बाबदारी पार पाडोंवचे काम.
CHILD : तॅं कश्शी?
WORLD : पयलेवारीच वोट्टू येवनू.... थॉडे वेळ पयलॅं तुम्मी कॅल्लेलॅ तशीच.
CHILD : मगेलॆ बुक्कांत बरयेलेले आस्सं, "United we stand, divided we fall.".
TEACHER (SMILING) : हांवयी मगेल्या विद्यार्थ्यांक हॅंची सांगत आसता.

( ALL OF THEM STAND, LINED UP FROM ONE END TO ANOTHER. TENDERLY, THEY PASS THE WORLD TILL SHE REACHES THE END OF THE STAGE. )

NARRATOR (ENTERING) : आणि परत एकपंता वसुंधरा सुंदर, समाधानी आणि घट्टमूटी (strong) जाल्ली. तिक्का तिगलॅं पयलेचॅं स्थान मॅळ्ळें ... परत सूर्यकिरणांनी ती वैभवशाली दिस्सू लागली. चला, आयच्या शुभ मुहुर्तारी आम्मी सगळेजणं प्रतिज्ञा कोर्यां की वोट्टु मेळनू आमगेल्या या सुंदर वसुंधरेक आणि सुंदर कोर्यां.

( ALL THE PEOPLE JOIN HANDS AND PERFORM THE 'VICTORY DANCE'.)